Testu n"asturiano Más Ted Neeley

Va tiempu que falé de Jesucristu Superstar. De aquella obra maestra que ficieron Ted Neeley y Carl Anderson.

Güey enteréme de que Ted Neeley, con 60 años cumplíos, ta faciendo (o fizo, nun sé) un Farewell Tour cola obra. O sea, que tovía ye capaz de cantar esa burricada. Ye un tío enorme.

Y si nun lo crees, mira esti vídeo. Lo meyor ye que vese a los demás actores que tan mirándolu detrás la cortina, cola boca abierta, y nun puen creer lo que ven. Cualquiera sal dempués al escenariu a cantar, o a garralu y metelu presu si te toca facer de soldáu... Les cares que ponen cuandu lu sienten ruxir como un truenu, pidiéndo-y cuentes a Dios... Tan a puntu de echar la llagrimuca. Coño, si toi a puntu de echala yo.

Nos comentarios, diz ún que faló con ún de los xefes de la producción, y que díxo-y que Ted cantara esti canciu nel funeral de Carl, y que por eso nun quixo cantala nos ensayos, por si nun podía terminala. Asina que nun lo oyeran facela nenguna vegada, esa yera la primera, y taben toos acoyonaos por si nun podía con ella. Diría que ye la típica lleenda urbana promocional... sin nun fora poles cares de los demás actores. Igual ye que son tan, tan buenos actores que puen finxir esa tensión...

Nun sé, pero facer esto treinta años dempués ye como pa que te pongan una estatua.

2 comentarios:

Tania-chan dijo...

Impresionante :O

luigi dijo...

Iba dexate un comentario, pero pa qué.

El failo, tú dícislo. Tá.