All of me

Ayeri pela nuechi, enantes de dir pa la cama, tuvi practicando un pocoñín, faciendo un exerciciu que me mandó Marco: sacar el solo de All of me, de Django Reinhardt. Y de pasu que practicaba, grabélo, como fice otres vegáes, pa escuchame dempués y tamién pa guardar una preba de cómo me sal güey. Como de cutio, ta mui verde, y ensin ponese puntillosu ya se sienten media docena erros. Pero ya tá guardáo, que ye pa lo que val.

Son namás dos vueltes, una cola melodía y otra col solo. El acompañamientu grabélu yo enantes y foi d'una sola toma (lo otro non, hube repetilo delles vegáes). Hai que dicir que yo grabélo a 160, y el maestru Django tócalo enforma más rápido (pémeque a 180 o más).

Refugue imitaciones; busque la versión orixinal (pero aquí va la mala copia).

All of me [MP3 - 1,5 MB]

La lletra vien a dicir esto:

Too de mí, por qué nun cueyes too de mí
¿nun ves que nun toi bien ensin ti?
Cueye los mis llabios, quiero perdelos,
cueye los mis brazos, enxamás voi usalos

El to adiós dexóme colos güeyos llorosos
cómo voi siguir, querida, ensin ti
Ya coyiste eso que enantes foi'l mi corazón,
¿por qué nun lo cueyes too?

Casi se me olvida apuntalo: grabáo en PC con guitarra Ibanez Artcore AG75 y amplificador VAmp-2 de Behringer, 25 de marzu de 2007.