Viaxe ensin fumu

El fin de selmana caberu tuve pa Londres de viaxe, aprovechando'l día d'Asturies. Tuve que dir pa Santander en coche pa coyer el avión, porque n'Asturies debíen de tar tolos vuelos coyíos y yera mui caro. Esmolecíame aportar al aeropuertu a tiempu, porque tenía que salir de trabayar (a les 13:30, con permisu) y l'avión salía a les 18:00... Pero tárdase dos hores xustes, ensin superar los límites de velocidá. Nun hebo problema. (Home, si te tocan obres o coses semeyes pues tenelos...)

Lo que me apetez decir ye que esti ye'l primer viaxe llibre de fumos que faigo. Nin nel aeropuertu de Santander (y hebo que facer cola un buen ratu), nin nel de Stansted, nin pa coyer l'autobús pa Londres (y eso que yera al aire llibre), nin na antoxana del hotel, nin pa desayunar, nin pa cenar, nin pa comer, nin nel Museu Británicu, nin na Tate Modern, nin na estación de Liverpol Street, nin nel viaxe de vuelta. Siempres hay dalgún tontu que se pon a fumar al to lláu cuandu tas nun parque, pero quitando eso, cero fumu.

Ye lo normal. Yera hora.