Xente anónima (II)

Bueno, paez que tengo el blog abandonáu. O non, porque si comparamos cola media de los blogs que hai perende, el míu tien una actividá frenética.

Tengo un montón de xente más o menos desconocía, que quería colgar equí. Asina que voi poner dalgún, pa ver si daquién que caiga equí por casualidá los va conociendo, o tienen una entrada más nel Google...

Erika Patoka Warford

El otru día falaba de la pantasma del paraísu, y esi canciu inmortal que fizo Jessica Harper. Una canción curtia, pero intensa.

Pues un día di con esta tipa, que fai una versión simple, contenía, y que me gusta casi más que la orixinal, que ya ye decir. Diríase que ye una tipa con personalidá, con una voz orixinal, y que además tien la casa enllena xuguetes :-)

Bueno, lo dicho, un 10. Nun fai falta más que esto.



Hay más coses d'ella en Youtube y equí. El so nome "de guerra" paez que ye Erika Warford.

Danielle Ate the Sandwich

Nun ye una desconocía, tampoco, pero casi. Una moza que toca el ukelele, y el vigulín y delles otres coses, ya ye rareza bastante. Pero el talentu ye raru (anque menos de lo que pensamos).

Nun soi, que se diga, un almiraor de Lady Gaga. Pero cuando una canción la dixiere daquién con gustu, faise hasta soportable. (Cualquiera diría que tengo debilidá poles moces con gafes, o dalgo así. Bueno, la verdá ye que sí.)



Esta muyer tien montones de versiones, y tamién munchos temas propios. Y además ta mui, pero que mui lloca (pero, insisto, con talentu y faciendo música):



Lo dicho, tien milenta vídeos y páxina y demás.

Scott Haskitt

Gústame el jazz porque ye música fecha delantre les tos ñaples. Hai xente que merca milenta pedaleres y aparatos y, al final, lo que hai detrás nun ye ná. Pero hay xente que con dalgún aparatu fai, tamién, música delantre les tos ñaples.

Yo toi acabante de mercar un pedal Boss RC-2 Loop Station (nuna tienda de verdá). Pero fáltenme unes décades pa manexar la cosa como esti puntu. Tola música que suena nel vídeu faise a la vista, nun tien na preparao d'enantes.



Nun ye too pedaleres. Esti tío ye músicu. Un grande.