Trafalgar

Echando un güeyu a dellos llibros dixitales, pasé por enriba de Trafalgar, de Benito Pérez Galdós.

Y resultó que enganchóme, y lleílu d'un tirón.

Yo bien creyí que estos autores del sieglu XIX yeren aburríos, que se espresaben con un estilu antiguu (y si lleí Madame Bovary foi por disciplina), que nun diba poder sintonizar con esta xente rancia y apolilláa. Pero non foi asina, y tuve que tragame los mis prexuicios.

Pasóme lo mesmo col Quixote. Ye increíble, pero un llibru escritu'n 1873, sobre coses de 1805, coneuta más cola realidá que milenta otros escritos ayeri mesmo.

Hasta un guaje de quince años de 1800 sabía de les guerres más que munchos homes fechos y derechos de güey:

Pero ya: esto de que las islas han de querer quitarse unas a otras algún pedazo de tierra, lo echa todo a perder, y sin duda en todas ellas debe de haber hombres muy malos, que son los que arman las guerras para su provecho particular, bien porque son ambiciosos y quieren mandar, bien porque son avaros y anhelan ser ricos. Estos hombres malos son los que engañan a los demás, a todos estos infelices que van a pelear; y para que el engaño sea completo, les impulsan a odiar a otras naciones; siembran la discordia, fomentan la envidia, y aquí tienen ustedes el resultado. Yo estoy seguro -añadí-, de que esto no puede durar: apuesto doble contra sencillo a que dentro de poco los hombres de unas y otras islas se han de convencer de que hacen un gran disparate armando tan terribles guerras, y llegará un día en que se abrazarán, conviniendo todos en no formar más que una sola familia».

Así pensaba yo. Después de esto he vivido setenta años, y no he visto llegar ese día.

Nosotros, doscientos años dempués, tampoco. Otra pa pensar, sobre la resignación, que duel un poco lleelo:

Acostumbrándome a la idea de que tan admirable conjunto de gracias no podía ni debía ser para mí, llegué a tranquilizarme, porque la resignación, renunciando a toda esperanza, es un consuelo parecido a la muerte, y por eso es un gran consuelo.

Toi sorprendíu, pero contra los mis prexuicios, encantóme Trafalgar. Ún d'esos datos que ún remembra de estudiar de pequeñu, cuando tovía se estudiaba, ye "Churruca, Gravina y Alcalá Galiano". Sabía que yeren marinos famosos y poco más, pero equí pude velos revivir y ser personaxes d'un drama. Tamién pude alcordame de Cádiz, y ver aquella xente pero fai doscientos años. Pémeque voi tener que lleer dalgún llibru más de Galdós. De casualidá resulta que Trafalgar ye'l primeru de los "Episodios Nacionales", cosa que yo nun sabía. Taría bien lleelos toos, pero... son más de cuarenta.

Trafalgar ye gratis. Creemos que se inventó too güey, que la xente d'enantes nun sabía nada... y a ver cuántos escritores güey pueden comparase a esti. (Y a ver cuántos lu lleeron.) Pues eses obres maestres son gratuites.

Que non va ser too J. K. Rowling, ni Stieg Larsson, ni Carlos Ruiz Zafón.

Asina que Galdós 1, los mis prexuicios modernos 0.