Copagu

Que nun se me escaeza apuntar un detallín sobre el copago.

Diz Valcárcel que los ciudadanos tienen que pagar por la educación y la sanidá.

Y dizlo como si agora mesmo lo tuviera pagando él, del so bolsu.

Lluéu diz que lu interpretaron mal, que nun dixo eso. Pero Valcárcel, non toos te intepretamos según lo que mos cuenten. Dalgunos oímoste direutamente a ti. Y dixiste esto:

...plantear que los servicios básicos, como son la educación y la sanidad, no pueden ser soportados por el presupuesto de una región y por el presupuesto de una nación desde el punto de vista de lo público. Hay que... fíjate... voy a decirlo a dos meses de las elecciones. Es muy necesario, muy necesario, plantear el que los ciudadanos tengan que también asumir el coste de esos servicios. En el porcentaje que sea, pero algo de esto habrá que hacer.

Valcárcel, fales de medíes valientes, de echá-y valor, de garrar el toru pelos cuernos, pero lluéu tienes la cobardía de nun reconocer lo que dixiste, y echar balones fora. Dilo, hom: llámase copagu, y nun-y deas más vueltes.

Y voy desplicate que los ciudadanos ya asumen TOU el coste de la sanidá y la educación. TOU.

Lo que te molesta, a ti y a otros, ye pagar pa ayudar a otros que nun tienen los medios. Los que tenéis perres queréis gastales a vuestra manera, toes en vosotros, y pal restu, caridá. Nun queréis esos probes, nin esos vieyos, diendo al mélicu que se paga cola vuestra llimosna. Esa xente que se aburre y va al mélicu por afición, porque ye peragradable tar ehí sentau esperando que te llamen, y eso. Si-yos cobramos, dalgunu quedará en casa.

Nun digo nada, ye la to ideoloxía. Pero nun la escuendas, hom.