Un xestu

Vamos suponer que soi un gran almiraor de Rosa Díez. Que nun ye el casu, pero un suponer.

Vamos suponer que Rosa Díez ta falando nun mítin del so partíu, en Cádiz. Y vamos suponer que hasta Cádiz, col únicu envís de fastidiala, desplazáronse unos proetarras que intenten pinchá-y el mítin, interrumpiéndola y llamándola asesina y fascista.

Rosa Díez nun participó en guerra dala, nun fizo ná polo que se la puea llamar asesina. Además, ta nun mítin, cuntando les so idegues, y ye llibre de facelo, y naide nun tien drechu a metese nun mítin, que ye precisamente pa espresar idegues polítiques. Y además, vinieron dende lloñe namás que pa fastidiala.

Si Rosa Díez, que ye humana, fai un corte de manga a los gritones, ¿qué contestaría yo si me entrugaren qué me paecía?

Pues mal.

Eso nun quitaría que los gritones ficieran mal, o peor que ella, nin que-y hubieren dao motivos. Pero el corte mangues taría mal. Preferiría mil veces ver a Rosa Díez, seria, ensin decir ná; por enriba d'ellos.

Cuando Aznar (en circunstancies mui diferentes a les del mi exemplu) fizo esto:



en El Mundo ficieron una encuesta. Y a más de la mitá de los que retrucaron... paéz-yos bien:



Y a mí eso paezme tremendo. Paezme tremenda la ceguera, la falta de crítica, o la falta de honradez o de educación, nun sé.

Entrúgome si los que contestaron que-yos paez bien son los mesmos que dicen que si la LOGSE, que si la educación n'España, too eso. Porque toi seguru de que los gua.hes de quince años nun lleen El Mundo nin contesten a encuestes.